3-а класра вĕренекен ачасем чăваш чĕлхипе туслă пурăнаççĕ. Урокра юмахсем, тĕрлĕ калавсем вулаççĕ, сÿтсе яваççĕ. Акă нумай пулмасть чăваш халăхĕн пĕрремĕш артисчĕсемпе паллашрĕç. Вĕсен пурнăçĕпе интересленчĕç. Кайран хайсем те артистсем пулма шутларĕç. Пĕрремĕш класс ачисем патне хăнана кайрĕç Вĕсен умĕнче «Кам кĕнĕ пахчана» сценка лартса пачĕç. Маскисене те хăйсемех турĕç. Рольсене вылякансем çаксем пулчĕç: Паркова Лиза, Тихонова Кристина, Можаев Андрей, Минибаева Дина, Трофимова Таня, Шарафутдинова Лиана. Автор сăмахĕсене Токмакова Люба вуларĕ.

«Ĕçре тăрăшмалла, наян пулмалла мар», - терĕç ачасем «Юлхав» сценкăра. Кун çинчен Гисматуллин Ильшатпа Лещева Ангелина питĕ çивĕч ăнлантарчĕç ачасене.

Пирĕн класра чăваш ачисемпе пĕрле вырăс тата тутар ачисем вĕренеççĕ. Пуриншĕн те чăваш чĕлхи тăван чĕлхе пулса тăчĕ.