Вĕренÿре, ĕçре тата ытти çĕрте пултарулăхпа палăрнă, пысăк çитĕнÿсем тунă çамрăксене республика Пуçлăхĕ кашни çулах стипендисем парса хавхалантарнă, хавхалантарать те. Сăмах май, республика бюджетĕнчен çулсерен çак тĕллевсемпе 21 млн та 960 пин тенкĕ уйăраççĕ.

2013 çулта пирĕн районтан асăннă стипендие — уйăхсерен 1830-шар тенкĕ укçана — 8 çын илме тивĕçнĕ. Вĕсем: Эдуард Антонов (Александровка тĕп шкулĕ), Максим Минин (Хырхĕрри тĕп шкулĕ) вĕренекенсем, полици сотрудникĕ Александр Митюков (Раççейри муниципалитетсем хушшинчи «Комсомольский» пай), Алеся Михеева бухгалтер («Восток» ЯХПК), «Рассвет» ЯХПК председателĕ Вячеслав Никифоров, Кристина Никифоровăпа (Хирти Явăш ) Анастасия Шингалова (Комсомольски 2-мĕш вăтам шкулĕ) вĕренекенсем тата Анастасия Романова («Единая Россия» партин «Çамрăк гварди» членĕ).