Нарăсăн 24-мĕшĕнче районти вĕренÿ тытăмĕнче тăрăшакан профсоюз членĕсем винтовкăран тĕл персе ăмăртнă. Çак тупăшура 20 команда — пурĕ 96 спортсмен ăсталăхне кăтартнă.

Хĕрарăмсенчен Комсомольски 1-мĕш вăтам шкулĕн вĕрентекенĕ Л.П.Яковлева 46 очко пухса пĕрремĕш вырăн йышăннă. Иккĕмĕшпе виççĕмĕш вырăнсене Г.И. Давыдовăпа (Хирти Явăш тĕп шкулĕ) Л.Н.Глинкина (Комсомольски 1-мĕш вăтам шкулĕ) тухнă.

Ар çынсенчен А.И.Филиппов («Кĕтне» ФСК) чи тĕл перекен ята тивĕçнĕ. Н.Г.Ильинпа А.К. Давыдов (иккĕшĕ те Хирти Явăш вăтам шкулĕнчен) иккĕмĕшпе виççĕмĕш вырăнсене йышăннă.

Команда-çĕнтерÿçĕсене те палăртнă ăмăртура. Комсомольски 1-мĕш вăтам шкулĕн спортсменĕсем — пĕрремĕш, Хиртиявăшсем — иккĕмĕш, Нĕркеçсем виççĕмĕш вырăна тухнă.