Чăваш Республикин Вĕрентÿпе çамрăксен политикин министерстви Раççей Федерацийĕпе Германи Федераллă Республикин правительствисем хушшинчи ятарлă Килĕшÿ тăрăх тата Германин Интернационаллă Союзĕн йыхравĕпе килĕшÿллĕн республикăри вĕрентекенсен пĕр ушкăнне Германие профессионаллă стажировкăна янă. Çак вĕрентекенсем хушшинче пирĕн районти Комсомольски пĕрремĕш вăтам шкулĕнче вырăс чĕлхипе литературине вĕрентекен Н.И.Воробьева тата Хырхĕрри тĕп шкулĕнче историпе обществознани вĕрентекенĕ Г.А. Белкова та пулнă. Стажировка Кельн, Бонн тата Моншау хулисенче иртнĕ. Унта хутшăнакансене шкул пурнăçĕпе, халăх историйĕпе тата культурипе, вырăнти предпринимательсен ĕçĕ-хĕлĕпе паллаштарнă. Вĕçĕнче педагогсене стажировка тухнине ĕнентерекен сертификатсем панă.

Г.БЕЛКОВА.