Иртнĕ эрнере, Çĕнтерÿ кунĕ умĕн, районти тĕп библиотекăра «Свкозь годы звенит Победа» паттăрлăх урокĕ иртрĕ. Ăна «Асăну çурти» акципе килĕшÿллĕн йĕркеленĕ. Библиотека ĕçченĕсем ăна ирттерме Комсомольски 1-мĕш вăтам шкулĕнче 6-мĕш «б» класра вĕренекенсене (ертÿçи Наталья Сереброва) чĕнчĕç. Вулавăш çурчĕн ĕçченĕсем ачасене хаяр вăрçă кунĕсем, совет халăхĕн паттăрлăхĕ çинчен каласа пачĕç. Каярахпа мероприятие хутшăннисем «Тăван çĕр-шывăн Аслă Аттелĕх вăрçи» мультимедийлă презентаципе паллашрĕç. Викторинăна та хутшăнчĕç. Юлашкинчен вĕренекенсем вăрçă çинчен видеофильм пăхрĕç.