Шкул ачисен тăван ен культурине вĕренес кăмăлне çĕклес, вěсене шыравпа тěпчев ěçне явăçтарас тата пултаруллă ачасене тупса палăртас тĕллевпе  2020-мĕш çулхи чÿк (ноябрь) уйăхĕн 25-мĕшĕнче  шкул ачисем валли Чăваш тĕррин кунне халалланă «Чăваш тĕррин асамлă тĕнчи» онлайн-тест иртрĕ. Унăн ыйтăвĕсене Канаш районĕнчи чăваш чĕлхипе литература вĕрентекенсен методика пĕрлешĕвĕн ертÿçи В.М.Ивановăна хатĕрленĕ.

Çак конкурса пирĕн шкул ачисем те хастар хутшăнчĕç. Онлайн-тест ыйтăвĕсене 5-6 классенче вĕренекенсем 15 минут хушшинче 15 ыйту çине хуравларĕç. Онлайн-тест куçăмсăр мелпе иртрĕ пулин те шкул ачисене ку мероприяти питĕ килĕшрĕ.