И.Я. Яковлев 175 çул тултарнине халалланă чăваш чĕлхипе литература эрни малалла тăсăлать. Тĕрлĕ мероприятисем ирттернĕ май И.Я. Яковлевпа çыхăннă паллă вырăнсене те аса илмеллех. Акă, паян Жукова С.А. 7-мĕш класра виртуаллă экскурсии ирттерчĕ. Калаçу Хусан хули çинчен пулчĕ. Хусан чылай хушă Атăл тăрăхĕнче пурăнакан халăхсемшĕн тĕп хула шутланнă. Чăваш халăх юрри-сăввисенче те Хусана час-часах асăннă.
Хусанта çирĕм ытла аслă шкул. Вĕсенчен чи ватти, чи сумли – Хусан патшалăх университечĕ. Чăваш халăхне çутта кăлараканĕ И.Я. Яковлев çак университетра вĕреннĕ. Университетра вăл Н.И. Ильминский профессорпа паллашать. Хăй никĕсленĕ Чĕмпĕр чăваш шкулĕнче Иван Яковлевич ун системипе ĕçлет: малтан ачасене хăйсен тăван чĕлхипе вĕрентет, ун хыççăн кăна вырăс чĕлхи çине куçать.
Хĕрĕх çул ытла И.Я. Яковлев Хусан округĕн чăваш шкулĕсене пăхса тăрать. Ку округа Хусан, Чĕмпĕр, Чул хула, Саратов, Оренбург кĕпĕрнисем кĕнĕ. Çак кĕпĕрнесенче Яковлев тăрăшнипе çĕнĕ шкулсем чылай уçнă.
Виртуаллă экскурсии усăллă та тухăçлă пулчĕ. Ачасчем нумай çĕннине пĕлчĕç. Вĕсен хăйсен Хусана кайса курас шухăш çуралчĕ.