Ака уйăхĕн 25-мĕшĕнче Чăваш Республикин Аслă Совет Президиумĕн 1992 çулхи апрелĕн 9-мĕшĕнчи йышăнăвĕпе килĕшÿллĕн, чӑваш халӑхне ҫутта кăлараканĕ, ҫӗнӗ чӑваш ҫырулӑхне йӗркелекенӗ Иван Яковлевич Яковлев ҫуралнă кун, эпир Чăваш чĕлхин кунне паллă тăватпăр. Чăваш чĕлхи чăваш халăхĕн наци палли, унăн иксĕлми пуянлăхĕ пулса тăрать.

Тăван чĕлхепе усă курса эпир пĕлÿ пухатпăр, хамăр ăc-хакăла пуянлататпăр, шухăшăмăра пĕр-пĕрне пĕлтеретпĕр, кăмăл-туйăма палăртатпăр. Тăван чĕлхе пурне те тăванлăх, пĕрлĕх туйăмĕ парсах тăтăр, наци культурин аталанăвне паха витĕм кÿтĕр. Пуян та çепĕç чĕлхен халăха пĕрлештерекен вăйĕ ÿссех пытăр.

Çак кун И. Я. Яковлев ячĕллĕ Чăваш патшалăх педагогика университечĕ  «Чăваш чĕлхи – анне чĕлхи» ятпа регионсем хушшинчи чăваш чĕлхипе литератури олимпиадине ирттерчĕ. Пирĕн шкул ачисем те унта хутшăнчĕç. Пĕтĕмлетĕвĕсем çывăх вăхăтра паллă пулĕç.

Пурне те уяв ячĕпе саламлатпăр!