2024 çул — район çыннисемшĕн паллă çул. Кăçал эпир Комсомольски районне туса хунăранпа 85 çул çитнине уявлатпăр.

Паллах, район шайĕнче те, шкул шайĕнче те тĕрлĕ мероприятисем ирттерме палăртнă. Комсомолскинчи 1-мĕш вăтам шкулта 6-мĕш класра вĕренекенсем «Ман юратнă Каçал ен» темăпа викторинăна хутшăнчĕç. Кунта вĕсем район историйĕпе, унăн паллăрах çыннисемпе  çыхăннă ыйтусем çине хуравларĕç.

Ăмăртăва пĕтĕмлетнĕ хыççăн çакă паллă пулчĕ: чи пултаруллисем – 6-а класра вĕренекенсем. Тимкин Алик тата Щетинкина Настя пур ыйтăва тенĕ пекех тĕрĕс хурав пачĕç, çĕнтерÿçĕ ята илме тивĕçлĕ пулчĕç. Çавăн пекех Ярлыгин Станислав, Макаров Петр, Потапова Юля, Чернова Ксения тата ШакмаковаДаша чылай тĕрĕс хуравлама пултарчĕç. Викторина çĕнтерÿçисене саламлатпăр, вĕренÿре ăнăçу сунатпăр!