Ака уйăхĕн 19-мĕшĕ – çеçпĕл кунĕ.  Комсомольскинчи 1-мĕш вăтам шкулта 10-мĕш класра çак кун «Çĕн ĕмĕр Чăвашĕ – Çеçпĕл» темăпа вăйă-урок иртрĕ . 2024 çулта кăвар чĕреллĕ поэтăмăр  Çеçпĕл  Мишши  çуралнăранпа 125 çул çитет.  М.К. Кузьмин 1899 çулхи  чÿк уйăхĕн 16-мĕшĕнче Чăваш Республикинчи Канаш районĕнчи Касаккасси  (халĕ Çеçпĕл) ялĕнче çуралнă. Вăл – чăваш поэзиĕн классикĕ, сăвă ăсталас реформаторĕ, прозăçă, драматург, тăлмач, ÿкерÿçĕ, патшалăх тата общество деятелĕ.

Урок пуçламăшĕнче вĕренекенсем Çеçпĕл Мишшин кун-çулне аса илчĕç,  поэтăмăра хаклалланă презентаципе паллашрĕç. Малалла  тĕрлĕ ĕçсем туса пурнăçларĕç: кластер, клоуз тест, графикăлла тест, цифрограмма, фишбоун, «паспорт».  Вĕрентекен ачасем туса хатĕрленĕ буклетсемпе кроссвордсене пăхса хак пачĕ.

Çеспĕл Мишши çамрăксен чĕринче паян кун та вут-кăварпа ялкăшать. Урок вĕçĕнче вуннăмĕшсем  унăн  сăввисене вуларĕç.